En cumprimento da resolución da alcaldía do 31-7-1998 e do disposto nos artigos 79 da Lei 13/1995, do 18 de maio, de contratos das administracións públicas, e 326 da Lei 7/1997, do 22 de xullo, da Administración local de Galicia, faise pública a licitación do seguinte contrato de obras.
1. Obxecto: obras de pavimentación de accesos ós núcleos de poboación do Coto, Coedo, Rinlo e Meirengos.
2. Tramitación: urxente.
3. Procedemento: aberto.
4. Sistema de adxudicación: concurso.
5. Prezo e financiamento: 10.451.926 ptas., IVE incluído, con cargo á partida 98/511.610.
6. Prazo de execución: nove meses.
7. Período de garantía: un ano.
8. Fianza provisional: 209.039 ptas.
9. Fianza definitiva: 4% do orzamento do contrato.
10. Clasificación: grupo G, subgrupo 4, categoría b, non imprescindible.
11. Presentación de ofertas: durante os 13 días naturais seguintes ó da publicación deste anuncio no Diario Oficial de Galicia, cos requisitos do artigo 8 do prego de condicións, presentándoas no rexistro do concello ou remitíndoas por correo, comunicándoo neste caso mediante telegrama ou fax.
O prego de condicións económico-administrativas particulares está á disposición de tódolos contratistas interesados nas oficinas xerais do Concello
de Ribadeo, Pza. de España, nº 1, 27700 Ribadeo-Lugo, teléfono: 982 12 86 50. Fax: 982 13 09 75. Horario de atención ó público das 9 ás 14 horas de luns a venres.
12. Modelo de proposición: «D/Dna..... veciño/a de....., con enderezo en..... , titular do DNI nº....., en nome propio (ou en representación de....., conforme acredito con poder bastante), informado/a do concurso tramitado polo Concello de Ribadeo para a adxudicación, mediante procedemento aberto, das obras de pavimentación de accesos ós núcleos de poboación do Coto, Coedo, Rinlo e Meirengos, comprométese a executalas na forma determinada no prego de cláusulas administrativas, que intregramente acepta, por un prezo de..... ptas. (en letra e número) para tal efecto xunta memoria comprensiva dos seguintes extremos:
a) Obras de natureza análoga, últimos 5 anos (certificados de boa execución).
b) Volume de obra executada (certificados de boa execución).
c) Experiencia facultativa do delegado e equipo técnico (declaración xurada).
d) Programa de obras e prazos de execución (proposta técnica).
e) Equipos, maquinaria e medios (declaración xurada).
f) Plan de control de calidade (proposta técnica).
g) Mellora nas calidades da obra (proposta técnica)».
13. Apertura de proposicións: realizaraa a mesa de contratación en acto público, segundo a cláusula 11 do prego, dentro dos 10 días seguintes ó de remate de presentación de ofertas logo da convocatoria ós licitadores.
Ribadeo, 31 de xullo de 1998.
José Carlos Rodríguez Andina
Alcalde
7645