En cumprimento da resolución da alcaldía do 31-7-1998 e do disposto nos artigos 79 da Lei 13/1995, do 18 de maio, de contratos das administracións públicas, e 326 da Lei 7/1997, do 22 de xullo, da Administración local de Galicia, faise pública a licitación do seguinte contrato de obras.
1. Obxecto: obras de urbanización na Pza. de España de Ribadeo: parque infantil e paseo central.
2. Tramitación: urxente.
3. Procedemento: aberto.
4. Sistema de adxudicación: poxa.
5. Prezo e financiamento: 20.706.000 ptas., IVE incluído, con cargo á partida 98/4.3.2.620, tramitado en execución de operacións O. 24-2-83.
6. Prazo de execución: cinco meses.
7. Período de garantía: un ano.
8. Fianza provisional: 414.120 ptas.
9. Fianza definitiva: 4% do orzamento do contrato.
10. Clasificación: grupo G, subgrupo 6, categoría c.
11. Presentación de ofertas: durante os 13 días naturais seguintes ó da publicación deste anuncio no Diario Oficial de Galicia, cos requisitos do artigo 8 do prego de condicións, presentándoas no rexistro do concello ou remitíndoas por correo, comunicándoo neste caso mediante telegrama ou fax.
O prego de condicións económico-administrativas particulares está á disposición de tódolos contratistas interesados nas oficinas xerais do Concello de Ribadeo, Pza. de España, nº 1, 27700 Ribadeo-Lugo, teléfono: 982 12 86 50. Fax: 982 13 09 75.
Horario de atención ó público das 9 ás 14 horas de luns a venres.
12. Modelo de proposición: «D/Dna..... veciño/a de....., con enderezo en..... , titular do DNI nº....., en nome propio (ou en representación de....., conforme acredito con poder bastante), informado/a da poxa tramitada polo Concello de Ribadeo para a adxudicación, mediante procedemento aberto, das obras de urbanización da Pza. de España: parque infantil no campo de San Francisco e do paseo central do parque, comprométese a executalas na forma determinada no prego de cláusulas administrativas, que integramente acepta, por un prezo de..... ptas. (en letra e número). Ribadeo, ..... de..... de 1998».
13. Apertura de proposicións: realizaraa a mesa de contratación en acto público, segundo a cláusula 11 do prego, dentro dos 10 días seguintes ó de remate de presentación de ofertas logo da convocatoria ós licitadores.
Ribadeo, 31 de xullo de 1998.
José Carlos Rodríguez Andina
Alcalde
7644