Con data do 30 de xuño de 1998, o Instituto Galego de Promoción Económica (Igape) e as entidades financeiras asinaron unha addenda ó convenio de apoio financeiro para a renovación da flota galega, asinado o 21 de maio de 1996 e modificado o 26 de decembro de 1997, co obxecto de prorroga-lo prazo para a resolución dos expedientes de axuda financeira presentados ó abeiro deste.

En virtude do exposto, de conformidade coa Lei 5/1992, do 10 de xuño, de creación do Igape e o seu regulamento, aprobado polo Decreto 317/1992, do 12 de novembro, e en virtude das facultades que teño conferidas,

RESOLVO:

En cumprimento do disposto no artigo 78 da Lei 22/1992, do 11 de outubro, de réxime financeiro e presupostario de Galicia, co obxecto de darlle unha

adecuada difusión, faise público o texto da addenda ó convenio, que figura como anexo I, e relación de entidades que a susbcribiron, que figura no anexo II.

Santiago de Compostela, 30 de xuño de 1998.

José Antonio Orza Fernández

Presidente do Instituto Galego de Promoción

Económica

ANEXO I

Addenda ó convenio de apoio financeiro para a renovación da flota galega asinado entre o Igape e as entidades financeiras, o 21 de maio de 1996.

O convenio, asinado entre o Igape e as entidades financeiras o 21 de maio de 1996, co obxecto de establecer unha liña de apoio financeiro para a renovación da flota galega, modificado pola addenda con data do 26 de decembro de 1997, establece que o prazo de vixencia para a concesión e formalización das operacións de subsidiación solicitadas en prazo remata o 30 de xuño de 1998.

Dado que a carga de traballo dos estaleiros seleccionados polos armadores para a construcción dos barcos imposibilita a formalización das operacións de préstamo no prazo establecido, convense, de mutuo acordo entre o Igape e as entidades finan

ceiras, en subscribi-la presente addenda ó convenio asinado o 21 de maio de 1996 coas seguintes:

Cláusula única.-Modifícase a cláusula 7ª do convenio asinado entre o Igape e as entidades financeiras o 21 de maio de 1996, prorrogando o prazo de vixencia para a concesión e formalización das operacións de subsidiación presentadas en prazo, ata o 31 de decembro de 1998.

Para o resto de condicións non recollidas nesta addenda, observarase o especificado no convenio subscrito con data do 21 de maio de 1996 e addenda a este con data do 26 de decembro de 1997.

E en proba de conformidade, así o din, asinan e outorgan por exemplar duplicado e para un único efecto en Santiago de Compostela o 30 de xuño de 1998.

ANEXO II

Relación de entidades financeiras que subscriben a addenda ó convenio de apoio financeiro para a renovación da flota galega

Caixas:

Caixa Galicia

Caixa Vigo

Bancos:

Banco Bilbao Vizcaya

7410