1. Entidade adxudicadora: Mancomunidade da Ribeira Sacra.
2. Obxecto do contrato: a elaboración ou redacción dos proxectos técnicos necesarios para a execución das obras incluídas no proxecto Siglos de Arquitectura, Artesanía y Cultura sin Barreras, aprobado pola Dirección Xeral de Análise e Programación Orzamentaria do Mto. de Economía e Facenda e no marco da iniciativa comunitaria Empleo-Horizón e con cargo a fondos FEDER.
3. Tramitación: urxente. Procedemento: aberto. Forma: concurso.
4. Tipo licitación: 3.543.500 ptas. 5. Garantía provisional: 70.780 ptas. Definitiva: 141.560 ptas.
6. Requisitos xerais do contratista: sinalados no prego de condicións administrativas. Clasificación: non se require.
7. Data límite de presentación de proposicións: ós 13 días naturais desde o seguinte ó de publicación do presente anuncio no último dos boletíns no que apareza (DOG ou BOP), das 9 ás 14 horas de luns a venres no Rexistro Xeral da Mancomunidade ou da forma sinalada na cláusula 11.1º do prego de condicións.
8. Documentación que hai que presentar: as proposicións constarán de tres sobres pechados, A, B, e C, denominados de «Documentación xeral», «Proposición económica» e «Documentación específica» para o concurso, coas inscricións e contendo a documentación que se sinala na cláusula XI dos pregos de condicións particulares.
9. Apertura das ofertas: na Mancomunidade da Ribeira Sacra ás 13 horas do 3º día hábil seguinte ó de finalización do prazo para a presentación de proposicións (para estes efectos o sábado considérase inhábil).
10. Gastos de anuncios: por conta do adxudicatario.
11. Modelo de proposición: contido nos pregos de condicións, así como no anuncio do BOP de Ourense, onde consta maior información.
Montederramo, 23 de xullo de 1998.
O presidente da Mancomunidade Ribeira Sacra
Rubricado