O Consello da Xerencia Municipal de Urbanismo, en sesión celebrada o día 15 de maio de 1998, acor
dou aprobar inicialmente o Plan especial de mellora do núcleo 08.07 Os Bouzós na parroquia de Coruxo, redactado polas arquitectas Cristina Cameselle Solá, Adriana Pousa García e Marta Viso.
Sométese a información pública polo prazo dun mes, mediante inserción de anuncios no DOG, nun xornal dos de maior circulación da provincia e no taboleiro de anuncios da casa do concello.
Signifícase que o prazo de exposición ó publico se entenderá aberto desde a primeira publicación ata o remate do mes contado desde o derradeiro anuncio.
A documentación atópase na oficina de Información da Xerencia Municipal de Urbanismo ó dispor do público, planta baixa da casa do concello.
O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que, por resultaren descoñecidos ou ignorando o seu domicilio non poidan ser notificados persoalmente.
Vigo, 7 de xullo de 1998.
Manuel Pérez Álvarez
Alcalde-presidente da Xerencia Municipal
de Urbanismo
744