Resolución do Concello de Ramirás pola que se anuncia a contratación da obra de terminación do saneamento no Picouto-Freás-Portas Abertas por procedemento aberto e concurso.

De conformidade co disposto no artigo 79 da LCAP anúnciase concurso, polo procedemento aberto, para adxudica-la obra de terminación do saneamento no Picouto-Freás-Portas Abertas, conforme o seguinte contido:

1. Obxecto do contrato: obra de terminación do saneamento no Picouto-Freás-Portas Abertas, segundo proxecto do enxeñeiro técnico de Obras Públicas Jesús Iglesias Iglesias.

2. Duración do contrato: cinco meses.

3. Tipo de licitación: 11.361.600 ptas.

4. Pagamento: o pagamento do prezo de adxudicación farase efectivo con cargo á partida do orzamento vixente.

5. Publicidade dos pregos: estarán de manifesto tódolos días hábiles nas oficinas municipais.

6. Garantía provisional: será do 2% do tipo de licitación, equivalente a 227.220 ptas.

7. Exposición do prego de cláusulas administrativas particulares: durante os oito primeiros días hábiles seguintes ó da publicación deste anuncio, suspendéndose a licitación en caso de impugnación.

8. Garantía definitiva: o 4% do orzamento de adxudicación.

9. Presentación de proposicións: ata as trece horas do décimo terceiro día hábil natural seguinte contados desde a publicación do anuncio no BOP.

10. Apertura de proposicións: ás trece horas do segundo día hábil (agás sábado) seguinte a aquel no que remate o prazo para a presentación de proposicións, en acto público, no salón de sesións da Casa do Concello.

11. Modelo de proposición: o recollido na cláusula 17 do prego.

Ramirás, 26 de xuño de 1998.

Pilar López García

Alcaldesa

7377