O Concello Pleno, en sesión celebrada o día 23 de xuño de 1998, aprobou o prego de condicións
económico-administrativas para a contratación por concurso con procedemento aberto das obras de dotación de vestiarios e outros servicios ó circuíto de auto-cross de Carballo, o cal se expón ó público polo prazo de oito días contados a partir do seguinte ó da inserción do último anuncio no DOG, BOP ou prensa para que poidan presentarse reclamacións.
Asemade anúnciase concurso público, se ben a licitación se aprazará canto resulte necesario no suposto de se formularen reclamacións contra o prego de condicións.
Tipo de licitación: 5.467.074 pesetas, realizándose a mellora mediante baixa respecto a el.
Prazo de execución: 12 meses.
Fianza provisional: 109.342 pesetas.
Fianza definitiva: 4% do orzamento do contrato.
Apertura de plicas: a apertura de plicas terá lugar na casa do concello ás 12 horas do día seguinte a aquel en que remate o prazo de presentación de propostas, salvo se é sábado, que se trasladará ó luns seguinte.
Proposicións:
Lugar e prazo de presentación: presentaranse no rexistro xeral da corporación, en horario de 9 a 14 horas, dentro do prazo de vinteseis días naturais contados do día seguinte á última publicación do presente anuncio no DOG, BOP ou prensa.
Documentación: presentarase en sobres pechados:
Sobre A: subtitulado «Oferta económica».
Sobre B: subtitulado «Personalidade xurídica e xustificantes».
Sobre C: subtitulado «Referencias técnicas»
e axustados ó modelo que figura no prego de condicións que se encontra exposto ó público nas oficinas xerais do concello.
Tódolos anuncios serán por conta do adxudicatario.
Carballo, 1 de xullo de 1998.
Manuel Varela Rey
Alcalde
7371