O Pleno da Corporación, en sesión do 28-5-1998, adoptou o seguinte acordo:
«Primeiro.-Prestar aprobación definitiva á modificación puntual do Plan xeral de ordenación urbana na urbanización de Monte Porreiro, con destino á recualificación das parcelas R1, R2 e CC-Sur, en execución do convenio urbanístico subscrito polo alcalde o 26-6-1997, sendo formulado este documento de modificación do planeamento de ordenación integral do municipio por esta Administración municipal e redactado polo arquitecto xefe do Servicio Municipal de Xestión e Disciplina Urbanística.
Segundo.-Publicar este acuerdo no Diario Oficial de Galicia, con comunicación ás entidades interesadas e traslado á Consellería de Política Territorial, Obras Públicas e Vivenda dunha copia adverada do expediente administrativo completo e dous exemplares do instrumento aprobado definitivamente, debidamente dilixenciados, dispoñéndose a publicación das normas e ordenanzas da modificación no BOP para lograr-la súa eficacia e executividade, de acordo co establecido na Lei 39/1994, do 30 de decembro, pola que se modifica o artigo 70.2º da Lei 7/1985, do 2 de abril, reguladora das bases de réxime local.
Terceiro.-Requirirlles ás entidades mercantís Monteporreiro, S.L. e Monteporreiro Centro Comercial, S.L. a constitución de fianzas, respectivamente, de quince millóns e sete millóns de pesetas, fianzas que deberán ser constituídas nas arcas municipais
no prazo de dez días hábiles contados a partir da notificación deste acordo, en garantía da formalización dos compromisos asumidos por tales sociedades no convenio subscrito o 26 de xuño de 1997, orixe inmediata da presente modificación puntual do planeamento para mellorar e incrementa-las dotacións e equipamentos da urbanización de Monte Porreiro».
O que se fai público para a súa executividade, sinalándose que contra este acordo se poderá interpoñer recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia no prazo de dous meses computados a partir do día seguinte a esta publicación, logo da comunicación ó órgano que dictou o acto impugnado, e isto sen prexuízo de que se poida exercer, se é o caso, calquera outro recurso que se coide procedente.
Pontevedra, 16 de xuño de 1998.
Juan Luis Pedrosa Fernández
Alcalde
Julio Dapena Outomuro
Secretario xeral
7346