Aprobados pola Comisión de Goberno deste concello, en sesión celebrada o día 10 de xullo do ano en curso, os pregos de cláusulas administrativas particulares que rexerán na contratación das obras dos proxectos de acceso á igrexa de Baltar e acondicionamento e reparación dos accesoa a Reigosa, A Pastoriza, Penacorbeira, Pousada, Vilagormar, Baltar e Ponte Miñotos, expóñense ó público na secretaría deste concello polo prazo de oito días, contados a partir do seguinte ó da derradeira publicación deste anuncio no BOP ou no Diario Oficial de Galicia, para efectos de exame e reclamacións.
Anúnciase asemade a contratación de ámbalas obras, se ben no suposto de presentaren reclama
cións contra os pregos de cláusulas, o concurso aprazarase ata que sexan resoltas pola propia corporación.
1. Entidade adxudicadora:
a) Concello da Pastoriza.
b) Dependencia que tramita os expedientes: secretaría.
2. Obxecto dos contratos:
A) Acceso á igrexa de Baltar.
-Prazo de execución: tres meses.
-Orzamento de licitación: 4.153.315 pesetas.
-Garantía provisional: 83.066 pesetas.
-Garantía definitiva: 166.133 pesetas.
B) Acondicionamento e reparación dos accesos a Reigosa, A Pastoriza, Penacorbeira, Pousada, Vilagormar, Baltar e Ponte Miñotos.
-Prazo de execución: tres meses.
-Orzamento de licitación: 4.233.462 pesetas.
-Garantía provisional: 84.669 pesetas.
-Garantía definitiva: 169.338 pesetas.
3. Tramitación, procedemento e forma de adxudicación:
a) Tramitación: urxente.
b) Procedemento: aberto.
c) Forma: concurso.
4. Obtención de documentación e información:
a) Entidade: Concello da Pastoriza.
b) Domicilio: Praza de Galicia, nº 1.
c) Localidade e código postal: A Pastoriza, 27287.
d) Teléfono: 982 33 21 97.
e) Fax: 982 33 22 33.
5. Requisitos específicos do contratista: clasificación no grupo G, subgrupo 6, categoría a) ou xustificación da súa solvencia económica e financeira por calquera dos medios de acreditación sinalados no artigo 16 da Lei 13/1995, do 18 de maio, de contratos das administracións públicas, e da súa solvencia técnica por calquera dos medios de acreditación sinalados no artigo 17 da mesma lei.
6. Presentación de ofertas:
a) Data límite de presentación: trece días naturais contados desde a seguinte ó da publicación do anuncio de licitación no BOP de Lugo e no Diario Oficial de Galicia, tomando como día para o inicio do prazo o seguinte ó da derradeira publicación.
b) Documentación que hai que presentar: a esixida na cláusula 18 dos pregos de cláusulas administrativas particulares.
c) Lugar de presentación: Concello da Pastoriza, Praza de Galicia, nº 1.
7. Apertura de ofertas: no salón de sesións deste concello ás trece horas do terceiro día hábil seguinte ó da finalización do prazo de presentación de proposicións.
8. Criterios que servirán de base para a adxudicación:
-Unidades de obra adicional, ata dez puntos.
-Antecedentes relativos a obras de naturaleza análoga realizadas polo contratista para as distintas administracións públicas, ata oito puntos.
-Clasificación, ata seis puntos.
-Prazo, ata catro puntos.
-Prezo, ata dous puntos.
9. Gastos de anuncios: por conta do adxudicatario.
A Pastoriza, 13 de xullo de 1998.
Áurea Castro Conde
Alcaldesa accidental
7306