O Consello da Xerencia Municipal de Urbanismo, en sesión celebrada o día 17 de abril de 1998 acordou aprobar inicialmente o plan especial de mellora do núcleo 03.26 Esparramán, na parroquia de Bembrive e o seu catálogo anexo de elementos que se deben conservar, conforme a documentación elaborada en outubro de 1997 e marzo de 1998, polos
arquitectos Víctor Manuel González Magdalena, Franciso José Martínez Paz e Xosé Ramón Garrido Davila, e visado polo COAG con datas.
Sométese á información pública polo prazo dun mes, mediante inserción de anuncios no DOG, e nun xornal dos de maior circulación da provincia e no taboleiro da casa do concello.
Signifícase que o prazo de exposición ó público se entenderá aberto desde a primeira publicación ata o remate do mes contando desde o derradeiro anuncio. A documentación atópase na oficina de información da Xerencia Municipal de Urbanismo ó dispor do público, planta baixa da Casa do Concello.
O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que, por resultaren descoñecidos ou por ignorarse o seu enderezo, non poidan ser notificados persoalmente.
Vigo, 2 de xullo de 1998.
Manuel Pérez Álvarez
Alcalde, presidente da Xerencia Municipal de Urbanismo
7228