A EGAP convocou por Resolución do 20 de abril de 1998(DOG nº 80, do 28-4-1998) varios cursos de linguaxe administrativa en varias localidades de Galicia e para varios grupos de persoal.
Os cursos anunciados para os grupos A e B en Lugo e Pontevedra non puideron realizarse no seu momento por falta dun número suficiente de alumnos.
Co obxecto de dar unha maior difusión e de amplia-los destinatarios convócase novamente este curso que se realizará de acordo coas bases xa publicadas agás nos seguintes aspectos:
a) Terán preferencia os candidatos que xa o solicitaron de acordo coa convocatoria anterior.
b) Poderá participar tamén o persoal da Administración periférica do Estado.
c) O curso terá lugar os días 10, 14, 15, 16, 17, 21, 22, 23, 24, 28, 29 e 30 do mes de setembro, das 17 ás 20 horas.
d) Amplíase o prazo de presentación de instancias ata o 2 de setembro.
Santiago de Compostela, 15 de xullo de 1998.
Domingo Bello Janeiro
Director da Escola Galega de Administración Pública
6662