O Pleno da Corporación municipal de Cambre, reunido en sesión celebrada o 25 de novembro de 1997, acordou a cesión á Comunidade Autónoma de Galicia, dun terreo de 12.519,50 m, situado na Barcala, termo municipal de Cambre, para a construcción dun centro de ESO.
Conforme os artigos 17.1º da Lei 3/1985, do 12 de abril, do patrimonio da Comunidade Autónoma de Galicia, e 34 do seu regulamento, aprobado polo Decreto 50/1989, do 9 de marzo, a adquisición pura e simple de bens a título gratuíto ou lucrativo requirirá decreto do Consello da Xunta de Galicia, por proposta da Consellería de Economía e Facenda. Así mesmo, os artigos 23.1º da mesma lei e 38.1º do regulamento establecen que non se poderán adquirir bens ou dereitos a título lucrativo cando o valor dos gravames, cargas ou afeccións impostos sobre eles supere o seu valor intrínseco; se ben non se considera carga, gravame ou afección os investimentos que teña que realiza-la Comunidade Autónoma para da-lo destino de uso xeral ou servicio público da súa competencia que fixe o cedente ou doador.
Na súa virtude, de conformidade coa proposta da Consellería de Economía e Facenda, feita nos termos nos que o Concello de Cambre acordou a cesión e logo de deliberación do Consello da Xunta de Galicia na súa reunión do día dez de xullo de mil novecentos noventa e oito,
DISPOÑO:
Artigo 1º
Acéptase a cesión gratuíta dun terreo de 12.519,50 m, que linda:
-Norte: propiedade municipal e terreo propiedade de Dolores Iglesias Catoira, José García Vidal e Manuel Rodríguez Longueira.
-Sur: terreo propiedade de José Aguiar, Venturo Otero e María Varela.
-Leste: terreo propiedade de Dolores González, Miguel Olives Martínez, Áurea Eiroa Climent e resto do predio matriz.
-Oeste: zona de dominio público da liña de ferrocarril Palencia-A Coruña e terreos do Concello de Cambre.
O inmoble descrito atópase inscrito no Rexistro da Propiedade Nº 3 da Coruña no tomo 2.842, folio 81 do libro 325, predio número 27.328, inscrición primeira, a favor do Concello de Cambre por título de segregación.
Artigo 2º
O inmoble cedido destinarase á construcción dun centro público de educación secundaria.
Artigo 3º
A Consellería de Economía e Facenda, a través da Secretaría Xeral e do Patrimonio, procederá á formalización da cesión no correspondente documento público e á inscrición do ben no Rexistro da Propiedade a nome da Comunidade Autónoma.
Disposición derradeira
A Consellería de Economía e Facenda, a través da Secretaría Xeral e do Patrimonio, levará a cabo tódolos trámites necesarios para a efectividade do presente decreto.
Santiago de Compostela, dez de xullo de mil novecentos noventa e oito.
Manuel Fraga Iribarne
Presidente
José Antonio Orza Fernández
Conselleiro de Economía e Facenda
6860