No BOP do día da data publícanse os pregos de condicións íntegros que rexerán o concurso e posterior contrato para outorga-la concesión administrativa de obra pública para a instalación e explotación de cafetería con terraza na zona axardinada Regato dos Muíños, na Valenzá, inmediacións da urbanización Bahamonde, segundo acordo da Corporación Municipal do día 25 de xuño último.

-Fianza provisional. 100.000 ptas. Fianza definitiva: 4% do orzamento das obras e mínima de 250.000 ptas.

-Presentación de documentación e proposicións: no rexistro xeral do concello, en días hábiles e horas de oficina, ata as 12 horas do vixésimo sexto (26) día natural seguinte ó da publicación deste anuncio no BOP e no Diario Oficial de Galicia, computándose o prazo a partir da última publicación. Se o último fose inhábil ou sábado, o prazo finalizará o primeiro día hábil seguinte.

-Documentación que hai que presentar e criterios de valoración para a adxudicación do concurso: consta detallada no mencionado prego de condicións, que lles será facilitado gratuitamente ós que o soliciten nas oficinas municipais, en Cimadevila-Barbadás, teléfono: 988 36 00 00. Fax. 988 36 01 26.

-Apertura de plicas: ás 13 horas do día hábil seguinte, agás sábados, ó de finalización do prazo de presentación de ofertas e documentación.

-Modelo de proposición: Don/Dona.....provisto/a do DNI nº.... con domicilio en....no nome propio (ou na representación de...., segundo acredita con poder que achega no que verifica a súa suficiencia, informado/a dos pregos de condicións e demais documentos do expediente, para contratar, mediante con

curso, a concesión administrativa de obra pública para a instalación e explotación de cafetería con terraza na zona axardinada Regato dos Muíños, na Valenzá, inmediacións da urbanización Bahamonde, comprométese a realizala con estricta suxeición ás condicións citadas e ó proxecto (ou proxectos) presentado, e ofrece: canon anual....ptas. Prazo da concesión...anos. Outros datos..... Achega dous exemplares de cada proxecto, así como tódolos documentos esixidos no prego. Lugar, data e sinatura.

Queda sen efecto o anuncio publicado no Diario oficial de Galicia do día 16 de xullo deste ano.

Barbadás, 17 de xullo de 1998.

O alcalde

Rubricado

6604