Para os efectos previstos no artigo 7 da Lei 10/1987, do 15 de xuño, de disposicións básicas para o desenvolvemento coordinado de actuacións en materia de combustibles gasosos e no artigo 11 do Regulamento xeral do servicio público de gases combustibles, aprobado por Decreto 2913/1973, do 26 de outubro, sométese a información pública o seguinte proxecto de concesión administrativa:
Peticionario: Gas Galicia SDG, S.A., con enderezo na r/ A Rosa, 16, 3º B, 15701 Santiago de Compostela (A Coruña).
Obxecto da petición: concesión administrativa para o servicio público de distribución e subministración de gas natural, no termo municipal de Curtis, na provincia da Coruña, para a subministración a usuarios domésticos, comerciais e industriais, de conformidade co proxecto presentado para o efecto, o que se concretará posteriormente, co oportuno detalle no proxecto para a autorización das instalacións.
Descrición das instalacións: desde a rede industrial de Enagás, S.A., que ten unha presión máxima de operación de 16 bar, alimentarase mediante un punto de entrega de gas natural (PEGN) á rede de Gas Galicia SDG, S.A. no municipio de Curtis. No PEGN realizarase a medición do gas, e tamén se reducirá a súa presión desde o rango AP-A (16 bar) ata o rango MPB (4 bar).
A rede de distribución primaria -básica- cunha lonxitude de 1.000 m estará deseñada e operará a unha presión máxima de 4 bar efectivos, e desde esta, ben directamente, ou a través das redes secundarias, que se construirán a partir da rede básica, subministrarase gas para os consumos domésticos, comerciais e de pequenas industrias no termo municipal citado.
A rede de distribución secundaria, cunha lonxitude de 4.614 m deseñarase e operará en parte en MPB, á presión máxima de 4 bar, e en parte á presión máxima de 0,4 bar (rango MPA) en función, especialmente, dos consumos demandados, das características urbanísticas dos núcleos poboacionais e dos condicionantes das vías públicas e edificación.
Para alimenta-la rede de distribución secundaria, que teña unha explotación que se realice no rango MPA, instalaranse estacións de regulación, MPB/MPA, ó longo do trazado da rede primaria que distribúa o gas á presión máxima de 4 bar.
A subministración ós clientes desde as redes de MPB realizarase mediante as correspondentes instalacións receptoras, que incorporan como parte delas, conxuntos de regulación MPB/MPA.
O caudal máximo que se vai vehicular será o necesario para atende-la demanda máxima prevista para os diferentes mercados do termo municipal obxecto da concesión, estimándose en 1.000 m3 (n)/h.
Área da concesión: o municipio afectado pola solicitude de concesión é Curtis, na provincia da Coruña.
Orzamento: oitenta e dous millóns duascentas corenta e sete mil pesetas( 82.247.000 pesetas).
O que se fai público para coñecemento xeral e para que todas aquelas persoas naturais ou xurídicas que se consideren prexudicadas nos seus dereitos poidan presenta-las súas alegacións no prazo de 20 días a partir da data de publicación deste anuncio, podendo examina-lo proxecto de concesión na Dirección Xeral de Industria, edificio San Caetano, en Santiago de Compostela, así como na Delegación Provincial da Consellería de Industria e Comercio da Coruña.
Santiago de Compostela, 15 de xuño de 1998.
Joaquín del Moral Crespo
Director xeral de Industria
6620