Aprobados inicialmente pola Comisión de Goberno, en sesión do día 18 de marzo de 1998, os proxectos de saneamento no termo municipal, pavimentación de accesos a núcleos de poboación e abastecemento de auga e rede de distribución en Oirós, redactados polo enxeñeiro técnico de obras públicas Alfredo Montero Vaz.

En sesión do día 2 de xullo de 1998, aprobouse incialmente a memoria valorada de 1ª fase local cultural e social de Gres, redactada polo arquitecto Carlos Rosón Gasalla.

Expóñense todos eles durante o prazo de quince días hábiles, que comezarán a contarse desde o día seguinte ó da inserción do presente anuncio no BOP, para efectos de exame e reclamacións.

En sesión do día 2 de xullo de 1998, aprobáronse os pregos de cláusulas administrativas que rexerán

o concurso polo procedemento aberto da obra de 1ª fase local cultural e social de Gres; e en sesión do día 9 de xullo de 1998, aprobáronse os pregos de cláusulas administrativas que rexerán o concurso, polo procedemento aberto, das obras de saneamento no termo municipal, pavimentación de accesos a núcleos de poboación e abastecemento de auga e rede de distribución en Oirós, expoñéndose todos eles ó público por un prazo de oito días hábiles, para os efectos de que os interesados poidan examinalos e formula-las alegacións que consideren oportunas.

Pola súa vez, convócase licitación pública para a adxudicación das devanditas obras, que quedaría aprazada no suposto de presentaren reclamacións á memoria valorada, ós proxectos ou ós pregos, seguindo, o que reste, a partir do día seguinte da resolución das reclamacións.

* Obxecto do contrato: é a adxudicación, mediante concurso polo procedemento aberto, das obras de 1ª fase local cultural e social de Gres, saneamento no termo municipal, pavimentación de accesos a núcleos de poboación e abastescemento de auga e rede de distribución en Oirós.

* Tipo de licitación: é de 5.000.000, 4.869.066, 4.869.066 e 5.369.617 pesetas respectivamente, con IVE incluído.

* Prazo de execución: 4 meses, 6 meses, 6 meses e 6 meses respectivamente.

* Garantías: a provisional establécese en 100.000, 97.381, 97.381 e 107.392 pesetas respectivamente, e a definitiva igual ó 4% do importe de adxudicación.

* Prazo de presentación de proposicións: presentaranse na secretaría do concello, das 9 ás 13 horas, durante o prazo de 26 días naturais, contados desde o día seguinte ó da última publicación deste anuncio no BOP ou DOG.

* Apertura de plicas: terá lugar ás dez horas do primeiro día hábil seguinte a aquel no que termine o prazo de presentación de proposicións; se este coincide en sábado, terá lugar o primeiro día hábil seguinte.

* Criterios de adxudicación: serán os fixados na cláusula 2ª do prego de condicións.

* Modelo de proposicións: o recollido na correspondente cláusula do prego. Os licitadores presentaranse simultaneamente coa proposición e en sobre á parte os documentos que se indican na referida cláusula.

* Gastos: serán por conta do adxudicatario os gastos de anuncios e impostos que procedan, incluído o IVE, así como os de dirección técnica das obras.

Vila de Cruces, 16 de xullo de 1998.

O alcalde-presidente

Rubricado