Acordo da Comisión de Goberno, do 9 de xullo de 1998, polo que se anuncia concurso, en procedemento aberto e por trámite de urxencia, para a contratación das seguintes obras:

1ª Pavimentación dos accesos ós núcleos de poboación de Prevesos, Pacios, Santa Leocadia, Ansemar, Mos, Triabá, C. Ribeiras de Lea, Duarría, Loentia, Ludrio, Viladonga, Ramil e Orizón. (Proxecto nº 210-2 do PIEL/1998).

2ª Mellora da rede de abastecemento de auga na vila de Castro de Ribeiras de Lea. (Obra nº 0013 do Plan Provincial de Cooperación ás O.S. muncipais/1998).

Tipo de licitación IVE incluído:

a) Para a primeira obra: 20.579.605 pesetas.

b) Para a segunda obra: 9.512.000 pesetas.

Fianzas:

a) Para a primeira obra: Provisional: 411.592 pesetas (2% do tipo).

Definitiva: 823.184 pesetas (4% do tipo).

b) Para a segunda obra: Provisional: 190.240 pesetas (2% do tipo).

Definitiva: 380.480 pesetas /4% do tipo).

Ámbalas dúas poderán constituírse en calquera das formas admitidas na actual normativa de contratación.

Plicas: durante os 13 días naturais a partir do último anuncio no BOP de Lugo ou no DOG. Se o último día fose inhábil ou sábado, o prazo finalizará o primeiro hábil seguinte.

Apertura de plicas: terá lugar na casa do concello ás 12 horas do quinto día hábil seguinte ó da finalización do prazo de presentación de proposicións (excepto sábados).

Información e obtención de documentación: o modelo de proposición e información sobre a documentación que hai que presentar, así como copia do prego de cláusulas administrativas particulares, poderá obterse nas oficinas municipais do Concello de Castro de Rei, das 9 ás 14 horas. Teléfono: 982 31 40 34, e telefax: 982 31 40 61.

As características peculiares e a documentación para tomar parte no concurso figuran no expediente que consta na secretaría do concello.

Castro de Rei, 10 de xullo de 1998.

Arturo Pereiro Vilariño

Alcalde

7059