En cumprimento do disposto no artigo 2, punto 4º, do Decreto 327/1991, do 4 de outubro, de avaliación dos efectos ambientais para Galicia (DOG nº 199, do 15 de outubro), e durante o prazo de vinte días, o órgano ambiental someterá o estudio de efectos ambientais ó trámite de información pública mediante anuncio no Diario Oficial de Galicia. Na súa virtude,
RESOLVO:
1. Someter a información pública o estudio de efectos ambientais do proxecto de explotación e restauración do medio ambiente para apertura de canteira pola sección A denominada La Devesa II situada no concello de Ribadeo, provincia de Lugo, promovida por Pizarras y Cuarcitas Manuel, S.L.
2. Para os devanditos efectos informativos poranse á disposición dos administrados exemplares nas seguintes dependencias:
* Dirección Xeral de Calidade e Avaliación Ambiental.
* Delegación Provincial da Consellería de Medio Ambiente da provincia de Lugo.
* Concello de Ribadeo.
3. As alegacións formularanse durante o prazo de vinte días, contados a partir do día seguinte ó da publicación da presente resolución no Diario Oficial de Galicia.
Santiago de Compostela, 29 de xuño de 1998.
Francisco Pan-Montojo González
Director xeral de Calidade e Avaliación Ambiental
6690