De conformidad coa base común 7, apartado 1 da Orde do 15 de abril de 1998, pola que se convocaban procedementos selectivos de ingreso e acceso ó corpo de profesores de ensino secundario, profesores técnicos de formación profesional, profesores de música e artes escénicas, profesores e mestres de taller de artes plásticas e deseño, establece que a valoración dos méritos presentados polos aspirantes será efectuada, en nome dos tribunais, por unha comisión integrada por funcionarios da Consellería de Educación e Ordenación Universitaria. Realizada esta baremación procede darlle publicidade. En consecuencia, esta dirección xeral
DISPÓN:
Primeiro.-Facer públicas na Consellería de Educación e Ordenación Universitaria e nas súas delegacións provinciais, a partir do día 22 de xullo de 1998, as puntuacións definitivas dos baremos establecidos na Orde do 15 de abril de 1998 dos corpos e disciplinas convocadas pola citada orde.
Segundo.-Contra estas puntuacións poderán presentarse recurso ordinario ante o director xeral de Persoal no prazo dun mes contado desde o día seguinte ó da súa publicación.
Santiago de Compostela, 15 de xullo de 1998.
Jaime García García
Director xeral de persoal
6419