Consonte o disposto na Resolución do 15 de abril de 1998, pola que se convoca concurso de libre designación para a provisión de tres postos vacantes no cadro de persoal laboral de administración e servicios desta universidade.
Rematado o prazo de presentación de instancias e á vista das solicitudes presentadas e logo do informe da xerencia.
O rector, en uso das competencias que lle recoñece o artigo 18 da Lei orgánica 11/1983, do 25 de agosto, de reforma universitaria,
DISPÓN:
Primeiro.-Resolve-la adxudicación dos postos de traballo contidos no anexo desta resolución.
Segundo.-O destino adxudicado será irrenunciable, agás que antes de remata-lo prazo de toma de posesión se obtivese outro destino mediante convocatoria pública, quedando obrigado o/a interesado/a, neste caso, a comunicarllo ó rector da Universidade de Santiago de Compostela no prazo de tres días.
Terceiro.-O prazo para tomar posesión do destino obtido será de tres días hábiles se o destino radica na mesma localidade, ou dun mes se radica en localidade distinta. O prazo de toma de posesión empe
zará a partir do día seguinte ó da publicación no Diario Oficial de Galicia da presente resolución.
Contra esta resolución, que esgota a vía administrativa, poderán os interesados interpoñer recurso contencioso-administrativo perante a sala correspondente do Tribunal Superior de Xustiza de Galicia, no prazo de dous meses, contados desde a publicación da presente resolución.
Santiago de Compostela, 25 de xuño de 1998.
F. Darío Villanueva Prieto
Rector da Universidade de Santiago de Compostela
ANEXO I
Posto de traballo: director do COIE.
Grupo: I.
Apelidos e nome: Álvarez Val, Laureano.
DNI: 34.534.588.
Posto de traballo: subdirectora do COIE.
Grupo: I.
Apelidos e nome: Braña Tobío, Mª Isabel.
DNI: 33.214.698.
Posto de traballo: coordinador aulas informáticas. Servicios xerais docencia-SEIN.
Grupo: I.
Apelidos e nome: Hortas Rodríguez, Enrique.
DNI: 33.192.262.
6302