Examinado o expediente incoado pola titularidade do centro privado de educación especial Menela de Vigo, solicitando o cambio de titularidade do devandito centro.
Resultando que mediante escritura pública notarial outorgada ante o notario do Ilustre Colexio da Coruña, José Luis Lorenzo Arean, Carmen Fernánez Puentes, representante legal de María Manuela Fernández Puentes declarada incapaz polo Xulgado de Primeira Instancia e Instrucción número un de Lugo mediante auto dictado o 23 de abril de 1973, lle cede a súa titularidade, para tódolos efectos, á Fundación Menela.
Resultando que o expediente foi tramitado pola Delegación Provincial de Educación e Ordenación Universitaria de Pontevedra, que se uniron ó mesmo os documentos esixidos e que a petición foi informada pola Inspección de Educación.
Resultando que o referido centro docente ten a correspondente autorización para impartir ensinanzas.
Vistos o Real decreto 1004/1991, do 14 de xuño (BOE do 26), polo que se establecen os requisitos mínimos dos centros que imparten ensinanzas de réxime xeral non universitarias, Decreto 133/1995, do 10 de maio (DOG do 22), sobre autorización de centros docentes privados para impartir ensinanzas de réxime xeral non universitarias e a Orde do 20 de setembro de 1995 (DOG do 15 de decembro) que o desenvolve.
Considerando que se cumpriron neste expediente tódolos requisitos esixidos pola normativa vixente nesta materia. Esta consellería
DISPÓN:
Autoriza-lo cambio de titularidade do centro privado Menela de Vigo a favor de Fundación Menela con tódolos dereitos e obrigas contraídas pola cesionista Carmen Fernández Puentes, sen prexuízo das responsabilidades que puidesen recaer sobre o anterior titular do centro por actos ou omisións realizados antes do cambio de titularidade que se autoriza.
O cambio de titularidade non afectará o réxime de funcionamento do centro.
Santiago de Compostela, 17 de xuño de 1998.
Celso Currás Fernández
Conselleiro de Educación e Ordenación
Universitaria
6371