Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.
Solicitante: Hidroeléctrica de Laracha.
Enderezo social: Tte. Gral. Gómez Zamalloa, 9-1º, 15000 A Coruña.
Denominación: L.M.T. aéreo Subt. Interc. liñas-liña 4, C.T. Leborís.
Situación: Laracha.
Descricións técnicas: liña eléctrica aéreo-subterránea de interconexión liña 5-liña 4 no C.T. Leborís, intercalando apoio formigón na liña Cillobre-A Piña, do que partirá tramo subterráneo en r/ Arxentina, baixo tubo e con conductor R.H.V. 12/20 kV de 3 (1x95) mm de 315 m de lonxitude.
Cumpridos os trámites ordenados nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolveu,
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
A Coruña, 3 de xuño de 1998.
Jesús Espada Martínez
Delegado provincial da Coruña
5848