O artigo 2.4º do Decreto 327/1991, do 4 de outubro, de avaliación de efectos ambientais para Galicia, dispón que os estudios de efectos ambientais se sometan ó trámite de información pública durante quince días hábiles. Na súa virtude
RESOLVO:
Primeiro.- Someter a información pública, por un prazo de quince días hábiles, contados a partir da publicación da presente resolución, o estudio de efectos ambientais do parque eólico denominado Lagoa nos concellos de Narón e Ferrol solicitado por Gamesa Promoción Eólica, S.A.
Segundo.- Para efectos informativos o estudio de efectos ambientais porase ó dispor dos administrados nas seguintes dependencias: Dirección Xeral de Industria, Dirección Xeral de Calidade e Avaliación Ambiental, Delegación Provincial da Consellería de Medio Ambiente na Coruña, Concello de Narón e Concello de Ferrol.
Terceiro.- As alegacións dirixiranse durante o prazo de quince días á Dirección Xeral de Industria.
Santiago de Compostela, 11 de maio de 1998.
Joaquín del Moral Crespo
Director xeral de Industria
5206