No artigo 43.5º da Lei 30/1992, do 26 de novembro, de réxime xurídico das administracións públicas e do procedemento administrativo común, e dentro do prazo sinalado na súa disposición adicional terceira, estableceuse, en garantía dunha maior seguridade xurídica, a necesidade de determina-los prazos para resolver respecto de cada procedemento e os efectos desestimatorios ou estimatorios que a falta de resolución expresa produce.

Polo que se refire ós procedementos administrativos nos que interviña a extinta Consellería de Familia, Muller e Xuventude, o dito obxectivo cumpriuse coa aprobación do Decreto 274/1994, do 29 de xullo (DOG nº 165, do 26 de agosto).

A profusión normativa levada a cabo nos últimos anos nas materias competencia desta consellería, principalmente no desenvolvemento da Lei 4/1993, do 14 de abril, de servicios sociais, no ámbito da familia, infancia e adolescencia, e no ámbito do traballo, do emprego e da formación, estas últimas en virtude dos reais decretos de traspaso 1375/1997, do 29 de agosto, e Real decreto 232/1998, do 16 de febreiro, así como a nova estructura da Xunta de Galicia consonte o Decreto 347/1997, do 9 de decembro, e da nova Consellería de Familia e Promoción do Emprego, Muller e Xuventude, consonte o Decreto 488/1997, do 26 de decembro, leva consigo a necesidade de actualiza-la normativa que regula os procedementos a instancia de parte e que figuran no antedito Decreto 274/1994 e a incorporación de novos procedementos da súa competencia.

Por iso, e co obxecto de facilitarlles ós administrados un mellor coñecemento dos seus dereitos na procura do principio de seguridade xurídica, examinados os procedementos nos que intervén a antedita consellería, consonte o artigo 43.5º e a disposición adicional 3ª da Lei 30/1992, do 26 de novembro, por proposta da conselleira de Familia e Promoción do Emprego, Muller e Xuventude e logo de deliberación do Consello da Xunta de Galicia na súa reunión do día vintecinco de xuño de mil novecentos noventa e oito,

DISPOÑO:

Artigo 1º

Apróbase a relación recollida no anexo I do presente decreto dos procedementos administrativos de

competencia da Consellería de Familia e Promoción do Emprego, Muller e Xuventude, nos que a falta de resolución expresa por parte da Administración nos prazos expresamente previstos para cada un deles produce efectos desestimatorios.

Artigo 2º

Apróbase a relación recollida no anexo II do presente decreto dos procedementos administrativos de competencia da Consellería de Familia e Promoción do Emprego, Muller e Xuventude, nos que a falta de resolución expresa por parte da Administración nos prazos expresamente previstos para cada un deles produce efectos estimatorios.

Disposición derrogatoria

Á entrada en vigor do presente decreto quedan derrogados ou modificadas tódalas normas de calquera rango que se opoñan ó disposto nel, en virtude da habilitación ó Goberno, para a adecuación normativa prevista na disposición adicional 3ª da Lei 30/1992, do 26 de novembro.

Disposición derradeira

Facúltase a conselleira de Familia e Promoción do Emprego, Muller e Xuventude para dictar cantas disposicións sexan precisas para o desenvolvemento do establecido no presente decreto.

Santiago de Compostela, vintecinco de xuño de mil novecentos noventa e oito.

Manuel Fraga Iribarne

Presidente

Manuela López Besteiro

Conselleira de Familia e Promoción do Emprego, Muller e Xuventude

ANEXO I

Procedementos administrativos nos que a falta de resolución expresa produce efectos desestimatorios

ANEXO II

Procedementos administrativos nos que a falta de resolución expresa produce efectos estimatorios

6015