O Consello da Xunta, en virtude do Decreto 168/1998, do 28 de maio de 1998, acordou declara-la urxente ocupación, pola Consellería de Educación e Ordenación Universitaria, dos bens e dereitos concretados no expediente administrativo instruído para o efecto e necesarios para a execución das obras de referencia.

Na súa virtude, e en cumprimento do disposto no artigo 52 da vixente Lei de expropiación forzosa, do 16 de decembro, e 56 e seguintes do Regulamento para a súa aplicación, esta secretaría xeral, en uso das facultades que lle confire o artigo 98 da mencionada lei, resolve convoca-los titulares dos bens e dereitos afectados que figuran na relación adxunta, para que comparezan no lugar, a data e a hora que se detallan para proceder ó levantamento das actas previas á ocupación, nas que se recollerán os datos necesarios para determina-los dereitos afectados, o valor destes, e os prexuízos dimanantes da rápida ocupación, sen prexuízo de trasladarse ó lugar dos predios se se considera necesario.

Lugar: Facultade de Informática. Aula 2-4. Planta 2ª. Campus de Elviña. Universidade da Coruña.

Día 20 de xullo de 1998: do predio nº 1 ata o predio nº 19 (ámbolos dous incluídos).

Día 21 de xullo de 1998: do predio nº 19 en diante.

Hora: 9 h.

Ó dito acto deberán asisti-los titulares afectados, persoalmente ou ben por persoas debidamente autorizadas para actuaren no seu nome, presentando os documentos acreditativos da súa titularidade, documento nacional de identidade, o último recibo da contribución e, no caso de representación, o poder suficiente, e podendo facerse acompañar pola súa conta, se o coidan oportuno, dos seus peritos e notarios.

Advírteselles ós interesados afectados, ós que se lles notificará individualmente o día e a hora e o lugar sinalados para o levantamento das actas previas, que poderán formular alegacións por escrito, ante o Servicio de Supervisión de Proxectos e Expropiacións da Consellería de Educación e Ordenación Universitaria e do Servicio de Construccións da Universidade da Coruña, ata o momento do levantamento das actas previas, para os efectos tan só de corrixi-los posibles erros que se puideran producir ó relaciona-los bens ou dereitos que se afectan.

O levantamento de actas poderá continuarse en días e horarios posteriores, se for preciso, sen necesidade de repeti-las citacións; abondará, para tal efecto, o anuncio verbal efectuado con ocasión do levantamento das últimas actas que se expidan.

Santiago de Compostela, 24 de xuño de 1998.

P.D. (Orde 21-6-1996)

Máximo García Serrano

Secretario xeral da Consellería de Educación

e Ordenación Universitaria

ANEXO I

Por posible litixio na propiedade dos seguintes predios e para os efectos do disposto na Lei de expropiación forzosa do 16 de decembro de 1954 e do Regulamento do 26 de abril de 1957, que a desenvolve, considéranse tamén afectados pola expropiación:

Predio sen identificar: Cordal Pan, Carmen e Dora

Predio sen identificar: Queijas Pallas, José Manuel

5288