Advertido erro na devandita resolución, publicada no DOG nº 96, do xoves, 21 de maio, cómpre face-la seguinte corección:

Na páxina 5.608, onde di: «Punto 5.- Outros requisitos: os licitadores deberán acredita-la súa autorización sanitaria, conforme a normativa vixente na materia». Este punto foi incluído por erro, toda vez que non é esixible de acordo coa lexislación vixente, polo que se exclúe do prego de cláusulas administrativas particulares.

Por iso, (de acordo co artigo 67.1º da Lei 30/1992, do 26 de novembro, de réxime xurídico das administracións públicas e do procedemento administrativo común), procede a súa rectificación, publícase nova convocatoria e ábrese novo prazo de presentación de ofertas.

I.-Presentación de proposicións: as proposicións deberanse presentar en man, en sobres pechados e firmadas polo licitador ou persoa que o represente, no rexistro xeral deste Complexo Hospitalario Juan Canalejo (planta baixa do Hospital Juan Canalejo), antes das 14 horas do décimo terceiro día natural contado a partir do seguinte ó da publicación desta corrección de erros no Diario Oficial de Galicia, ou mandadas por correo, dentro do prazo sinalado.

II.-Apertura das proposicións: terá lugar na sala de xuntas da Xerencia do complexo hospitalario

(planta baixa da Escola Universitaria de Enfermería), a partir das 10 horas do décimo primeiro día natural contado desde o seguinte a aquel no que remate o prazo de presentación de ofertas. No caso de que o dito día coincida en sábado ou festivo, a apertura de proposicións terá lugar o primeiro día hábil seguinte.

A Coruña, 15 de xuño de 1998.

Jesús Caramés Bouzán

Director xerente do Complexo Hospitalario Juan Canalejo-Marítmo Oza da Coruña

5897