Eu, Ramón Lojo Aller, maxistrado-xuíz do Xulgado do Penal número un dos de Santiago de Compostela e o seu partido, fago saber que na executoria 201/1996, seguida por falta de furto, contra José Luís Sampedro Sande, se acordou sacar a pública poxa, por primeira, segunda e terceira vez e polo

termo de vinte días, o ciclomotor marca RIEJU-RV, con matrícula municipal N.475, propiedade do penado José Luis Sampedro Sande, en bo estado de funcionamento, e valorado pericialmente en sesenta mil pesetas (60.000 ptas.).

Para o acto da poxa, sinálase o próximo día 11 de setembro de 1998, ás doce horas na sala da audiencia deste xulgado y os días 28 de setembro de 1998 ás doce horas e 14 de outubro de 1998 ás doce horas, para o suposto de que non houbese ofertantes, respectivamente na primeira e segunda poxa.

Prevéñense ós licitadores.

1. Que servirá de tipo para a primeira poxa o prezo de taxación de sesenta mil pesetas (60.000 ptas.); as 2/3 partes del para a segunda e, a terceira, se o caso, celebrarase sen suxeición a tipo.

2. O remate non poderá facerse en calidade de cederllo a un terceiro.

3. Para tomar parte na poxa, deberán consignar na mesa do xulgado o 20% do tipo polo que sae a poxa; e en tódalas poxas desde o anuncio ata a súa celebración, poderán facerse ofertas por escrito en prego pechado, acompañando resgardo de ter depositada a consignación no BBV, oficina principal de Santiago de Compostela, número de conta 66.000-4, clave 1585, concepto 78, executoria 201/1996.

O ciclomotor e a súa documentación encóntranse en poder do seu propietario José Luis Sampedro Sande, sito na Rúa Luís Seoane, N.14-Aguiño (Ribeira).

Dado en Santiago de Compostela o vintesete de maio de mil novecentos noventa e oito.

O maxistrado-xuíz

Rubricado

O secretario

Rubricado

5526