«O Pleno Municipal deste concello, en sesión extraordinaria celebrada o día 3 de xuño de 1998, acordou prestar aprobación inicial ó expediente de modificación puntual das Normas Subsidiarias de Planeamento Municipal entre as rúas número 8, avenida de Luis Rocafort e paseo da praia de Silgar de Sanxenxo.

Exponse o expediente a información pública durante o prazo dun mes, contado a partir do día seguinte ó da inserción deste anuncio no Diario Oficial de Galicia, co obxecto de que durante este período poida ser examinado e presentarse as alegacións que procedan.

De conformidade co disposto no artigo 34.2º da Lei 1/1997, do 24 de marzo, do solo de Galicia e 120 do Regulamento de planeamento urbanístico suspéndese o outorgamento de licencias para a área do territorio obxecto da modificación.

O que se fai público para os efectos legais oportunos».

Sanxenxo, 4 de xuño de 1998.

J. Luis Rodríguez Lorenzo

Alcalde

5430