O Pleno Municipal en sesión extraordinaria celebrada o día 9 de xuño de 1998, acordou a aprobación do proxecto de expropiación dos terreos precisos para a execución do parque empresarial de Xove segundo se transcribe:
Primeiro.-Aproba-lo citado expediente de expropiación cos documentos que o integran.
Segundo.-Tramita-la expropiación, polo procedemento de taxación conxunta, de acordo co establecido no artigo 142 e seguintes da Lei 1/1997, do 24 de marzo, so solo de Galicia, Lei 6/1998, de réxime do solo e restante normativa de aplicación.
Terceiro.-A exposición ó público polo prazo dun mes para que os interesados poidan efectuar-las reclamacións ou observacións que estimen convenientes, mediante a publicación de anuncios no Diario Oficial de Galicia e nun periódico dos de maior circulación na provincia.
Cuarto.-A notificación individual das taxacións ós que aparezan como titulares de bens ou dereitos no expediente da taxación mediante traslado literal da folla de aprecio e da proposta de fixación dos criterios de valoración para que poidan formular alegacións no prazo dun mes contado a partir da data da notificación.
Quinto.-Faculta-la Alcaldía-Presidencia para a realización de cantos actos, trámites ou xestións sexan procedentes para o bo fin dos acordos adoptados.
O que se fai público para xeral coñecemento mediante anuncios no DOG, BOP, prensa e taboleiro de anuncios da Casa do Concello, podendo os interesados durante o prazo dun mes contado a partir do día seguinte ó da inserción do anuncio no DOG, examina-lo expediente en horario de oficina na secretaría do concello e formula-las alegacións procedentes.
Xove, 10 de xuño de 1998.
Jesús López González
Alcalde
Manuel Díaz Sánchez
Secretario