Por resolucións do 24 e 29 de setembro de 1997, e do 1 de outubro de 1997, fíxose pública a convocatoria das probas para a contratación como persoal laboral fixo de varias prazas no ente público Portos de Galicia, en concreto: 1 praza de Xefatura do Departamento de Xestión Económica e Orzamentaria, 1 praza de Xefatura do Departamento de Xestión Xurídico-Administrativa e 1 praza de Xefatura do Departamento de Contabilidade e Tesourería.
En cumprimento do disposto na Lei 10/1996, do 5 de novembro, de actuación de entes e empresas nas que ten participación maioritaria a Xunta de Galicia en materia de persoal e contratación, e ó abeiro da Lei 5/1994, do 29 de novembro, de creación do ente público Portos de Galicia, e segundo o acordo de Delegación do Consello de Administración do 23-7-1997, faise pública a relación de excluídos provisionais nas mencionadas convocatorias.
As listas de excluídos provisionais estarán expostas polo prazo de cinco días naturais, a contar desde
o día seguinte ó da presente publicación no Diario Oficial de Galicia, no taboleiro de anuncios dos servicios centrais de Portos de Galicia, en Área Central/Polígono das Fontiñas, Praza de Europa, 5-A, 6º B, Santiago de Compostela, e nos taboleiros de anuncios da zona norte (r/ Nicomedes Pastor Díaz, nº 13, 1º Lugo), zona centro (Avda. Alférez Provisional, nº 1, 1º dta., A Coruña), e zona sur (r/ Benito Corbal, 37, 3º, Pontevedra) de Portos de Galicia.
Durante un prazo de cinco días naturais contados desde a publicación das listas poderá emendarse calquera erro que sexa emendable.
Santiago de Compostela, 1 de xuño de 1998.
Emilio García Gallego
Presidente do ente público Portos de Galicia
5320