Como consecuencia da modificación das festas laborais de carácter local levada a cabo polo Concello da Pobra do Caramiñal (A Coruña) e polo Concello de Salvaterra de Miño (Pontevedra) e realizadas -por petición dos concellos- as oportunas rectificacións polas delegacións provinciais da Consellería de Xustiza, Interior e Relacións Laborais, da Coruña e Pontevedra, en Vigo, respectivamente, cómpre face-las correspondentes rectificacións na antedita resolución, publicada no Diario Oficial de Galicia nº 222, do 17 de novembro de 1997, así:
-Na páxina 11.058, no anexo I, calendario laboral, provincia da Coruña, onde di: «68. Pobra do Caramiñal, A: 17 de agosto, Carme dos Pincheiros; 21 de setembro, Luns de Nazareno», debe dicir: «68. Pobra do Caramiñal, A: 24 de agosto, Carme dos Pincheiros; 21 de setembro, Luns de Nazareno».
-Na páxina 11.063, no anexo IV, calendario laboral, provincia de Pontevedra, onde di: «51. Salvaterra de Miño: 8 de xuño, Stmo. Cristo da Victoria; 10 de agosto, San Lourenzo», debe dicir: «51. Salvaterra de Miño: 15 de xuño, Stmo. Cristo da Victoria; 10 de agosto, San Lourenzo».
Santiago de Compostela, 25 de maio de 1998.
Mª José Cimadevila Cea
Directora xeral de Relacións Laborais
5037