O Consello da Xerencia Municipal de Urbanismo, en sesión celebrada o día 20 de febreiro de 1998, acordou aprobar inicialmente o proxecto de bases de actuación e estatutos para a constitución da Xunta de Compensación da U.E. Frian, someténdoo a información pública conxuntamente co proxecto de compensación presentado da devandita U.E. redactado pola arquitecta María A. Leboeiro Amaro e visado polo COAG con data 25 de novembro de 1997, polo prazo de 20 días mediante a inserción do presente anuncio no Diario Oficial de Galicia e con citación persoal dos interesados conforme establece o artigo 133.4º e 8º da Lei 1/1997, do 24 de marzo, do solo de Galicia en relación co 102 da dita lei.
O que se fai público para xeral coñecemento significando que o prazo de información pública entenderase aberto desde o día seguinte á publicación do presente anuncio no Diario Oficial de Galicia ata transcorridos 20 días hábiles.
Os expedientes atópanse á disposición do público na oficina de Información da Xerencia Municipal de Urbanismo (planta baixa da Casa do Concello)
Vigo, 26 de marzo de 1998.
Manuel Pérez Álvarez
Alcalde-presidente
4465