O Concello Pleno de Cuntis, na sesión ordinaria celebrada o día 24 de abril de 1998 adoptou, por unanimidade dos presentes e co quorum da maioría absoluta do número legal dos seus membros, o seguinte acordo de aprobación definitiva da modificación puntual das normas subsidiarias de planeamento, relativa ó acceso a zona escolar e deportiva.
a) Aprobar definitivamente a modificación puntual referida.
b) Publicar este acordo no DOG e no BOP, e así mesmo publicarase no BOP o documento que conteña a normativa e as ordenanzas.
c) Comunicar este acordo á Consellería de Política Territorial, Obras Públicas e Vivenda, e ó mesmo tempo, darlle traslado dunha copia autenticada do expediente administrativo completo e de dous exemplares do instrumento aprobado definitivamente, debidamente dilixenciados polo secretario do concello.
d) A eficacia desta aprobación definitiva e a súa entrada en vigor quedan condicionadas ó cumprimento do disposto no artigo 48 e 70.2º da Lei 7/1985, do 2 de abril.
Cuntis, 28 de abril de 1998.
Eduardo Rey Rodríguez
Alcalde-presidente
4376