De conformidade coa base común 4, punto 1 da Orde do 15 de abril de 1998 pola que se convocaban procedementos selectivos de ingreso e acceso ó corpo de profesores de ensino secundario, profesores técnicos de formación profesional, profesores de música e artes escénicas, profesores e mestres de taller de artes plásticas e deseño, en expectativa de ingreso, e procedemento de adquisición de novas especialiades, esta dirección xeral,

DISPÓN:

Primeiro.-Facer pública a lista provisional de admitidos ós procedementos selectivos de ingreso e acceso ó corpo de profesores de ensino secundario, de profesores técnicos de formación profesional, profesores de música e artes escénicas, profesores e mestres de taller de artes plásticas e deseño, coa indicación da modalidade de acceso pola que concorre cada aspirante e se están exentos da proba de coñecementos de lingua galega e lingua castelá nos anexos I, II, III, IV e V desta resolución respectivamente.

Segundo.-Declarar excluídos provisionalmente os aspirantes que figuran no anexo VI desta resolución, polas causas que se indican.

Terceiro.-Os interesados poderán interpoñer, no prazo de 10 días naturais, as reclamacións que consideren oportunas, conforme o disposto no artigo 71 da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 1 de xuño de 1998.

Jaime García y García

Director xeral de Persoal

ANEXO VI

Relación de excluídos

5088