A Consellería de Cultura, Comunicación Social e Turismo, unha vez cumpridos os trámites administrativos correspondentes, resolveu anunciar, polo sistema de concurso, procedemento aberto, trámite de urxencia, a contratación das seguintes subministracións:
-Adquisición de material informático para a rede de bibliotecas de Galicia:
Orzamento de licitación: 10.000.000 de ptas. (dez millóns de pesetas) IVE incluído.
Prazo de execución: un (1) mes.
Garantía provisional: 200.000 ptas.
-Adquisición de diverso material informático para a ampliación da rede de datos da consellería:
Lote I: rede de datos e activos de comunicación:
Orzamento de licitación: 1.800.000 ptas. (un millón oitocentas mil pesetas) IVE incluído.
Prazo de execución: un (1) mes.
Garantía provisional: 36.000 ptas.
Lote II: hardware.
Orzamento de licitación: 6.096.000 ptas. (seis millóns noventa e seis mil pesetas) IVE incluído.
Prazo de execución: un (1) mes.
Garantía provisional: 121.920 ptas.
Lote III: software.
Orzamento de licitación: 4.400.000 ptas. (catro millóns catrocentas mil pesetas) IVE incluído.
Prazo de execución: un (1) mes.
Garantía provisional: 88.000 ptas.
Exposición da documentación: os pregos de prescricións técnicas e os pregos de cláusulas administrativas estarán de manifesto no Servicio de Obras e Contratación da Consellería de Cultura, Comunicación Social e Turismo, e nas delegacións provinciais durante o prazo de presentación de proposicións, das 10 ás 14 horas, e no teléfono (981) 58 89 38.
Prazo de presentación de proposicións: será ata as 14 horas do décimo terceiro día natural, contado a partir do día seguinte ó da publicación da presente resolución no DOG.
Lugar de presentación de proposicións: no rexistro xeral da consellería en sobres pechados e asinados
polo licitador ou persoa que o represente. Se as proposicións se cursan por correo, haberá que aterse ó previsto na cláusula 7.2 do prego de cláusulas administrativas particulares.
Documentación que presentarán os licitadores: a establecida pola cláusula 7 do prego de cláusulas administrativas particulares, os licitadores que concorran a máis dun lote da segunda contratación; soamente a documentación xeral (sobre A) poderá ser común para tódolos lotes ós que opten.
Apertura de proposicións: será realizada pola mesa de contratación ás 11 horas do quinto día natural seguinte ó do remate do prazo de admisión de proposicións na sala de xuntas da Consellería de Cultura, Comunicación Social e Turismo.
Se coincidise en sábado ou festivo, terá lugar o inmediato día hábil seguinte á mesma hora.
O importe do anuncio do presente concurso será por conta dos adxudicatarios.
Santiago de Compostela, 26 de maio de 1998.
Andrés González Murga
Secretario xeral da Consellería de Cultura,
Comunicación Social e Turismo
4701