Visto o expediente instruído por instancia de Fernando Pombo Rodríguez, na súa calidade de director de Viaxes Otero, S.L., en solicitude da autorización de apertura dun novo establecemento, en Vilagarcía de Arousa, no Centro Comercial Arousa, local 1-8, da axencia de viaxes Viaxes Otero, S.L., do grupo retallista, co código identificativo XG-119, que ten a súa casa central en Cambados (Pontevedra), na rúa Avda. de Vilagarcía, 91.

Resultando que o interesado xunto coa solicitude xuntou toda a documentación á que fai referencia o artigo 10 do Regulamento das axencias de viaxes de Galicia, aprobado mediante o Decreto 155/1989, do 22 de xuño.

Resultando que na tramitación do expediente se observaron tódolos requisitos e formalidades establecidas regulamentariamente.

Considerando que na empresa solicitante e no novo establecemento da axencia de viaxes concorren tódalas condicións esixidas polo mencionado regulamento para a obtención da súa autorización.

Vistos o Real decreto 2086/1983, do 1 de setembro, de traspaso de funcións e servicios do Estado

á Comunidade Autónoma de Galicia en materia de turismo, a Lei 1/1983, do 22 de febreiro, reguladora da Xunta de Galicia e do seu presidente, o Decreto 155/1989, do 22 de xuño, polo que se aproba o Regulamento das axencias de viaxes de Galicia, e a orde do 4 de outubro de 1995, da Consellería da Presidencia e Administración Pública, pola que se delega no secretario xeral para o Turismo a competencia para autoriza-los novos establecementos das axencias de viaxes xa autorizadas, esta Secretaría Xeral para o Turismo,

RESOLVE:

Autorizarlle á axencia de viaxes Viaxes Otero, S.L., sita en Cambados (Pontevedra), na rúa Avda. de Vilagarcía, 91, da que é titular a entidade mercantil Viaxes Otero, S.L., a apertura dun novo establecemento en Vilagarcía de Arousa, no Centro Comercial Arousa, local 1-8, que será inscrito no Rexistro de Empresas e Actividades Turísticas da Comunidade Autónoma galega.

Contra esta resolución, o interesado poderá interpoñer recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ó da súa publicación no Diario Oficial de Galicia.

Santiago de Compostela, 5 de decembro de 1997.

P.D. (Orde 4-10-1995)

Rubén Víctor Lois Calviño

Secretario xeral para o Turismo

4238