O Concello de Narón (A Coruña), o día 28 de xaneiro de 1997, aprobou o proxecto de apertura e acondicionamento da pista LC-642, LC-113 (por Agras) e na sesión celebrada o día 18 de decembro de 1997 acordou solicitar da Xunta de Galicia a declaración de urxente ocupación dos bens e dereitos afectados pola expropiación forzosa ó abeiro do disposto no artigo 52 da Lei de expropiación forzosa.
Os bens nos que se concreta a declaración de urxente ocupación están determinados no expediente que se someteu a información pública.
A Dirección Xeral de Urbanismo da Consellería de Política Territorial, Obras Públicas e Vivenda emitiu informe favorable.
Considérase necesaria a declaración de urxente ocupación dos bens e dereitos precisos para a realización das obras do proxecto técnico sinalado, porque son innumerables as dificultades de tráfico a través da vía C-642/AC-113 por causa da súa actual estreiteza, conflicto que se repite unha e outra vez causándolles un prexuízo importante ós veciños que a través da vía acceden ás súas vivendas. A circunstancia de que ademais esta vía sexa tamén nexo de unión entre dous puntos de tránsito importante faina máis necesaria, así como a súa utilización como atallo da propia estrada de Castela.
A competencia para a declaración da urxente ocupación correspóndelle ó Consello da Xunta de Galicia segundo o disposto nos artigos 27.2º e 28.2º do Estatuto de autonomía de Galicia.
Na súa virtude e por proposta do conselleiro de Xustiza, Interior e Relacións Laborais e logo de deliberación do Consello da Xunta de Galicia na súa reunión do día quince de maio de mil novecentos noventa e oito,
DISPOÑO:
Artigo único.-De conformidade co disposto no artigo 52 da Lei de expropiación forzosa, declárase a urxente ocupación, polo Concello de Narón (A Coruña) para efectos de expropiación forzosa, dos bens e dereitos concretados no expediente administrativo instruído para o efecto e necesarios para a execución das obras do proxecto de apertura e acondicionamento da pista LC-642, LC-113 (por Agras).
Santiago de Compostela, quince de maio de mil novecentos noventa e oito.
Manuel Fraga Iribarne
Presidente
Jesús C. Palmou Lorenzo
Conselleiro de Xustiza, Interior e Relacións Laborais
4907