De conformidade co disposto nos artigos 59.4º e 61 da Lei de réxime xurídico das administracións públicas e do procedemento administrativo común, do 26 de novembro de 1992, (BOE do 27 de novembro), faise público o acordo de arquivo das actuacións e acordo de iniciación e nomeamentos de instructor e secretario recaídos nos expedientes sancionadores que se indican e que se seguen nesta delegación provincial de Sanidade e Servicios Sociais contra o presunto infractor que no anexo se sinala, xa que, intentándose a notificación del nos últimos domicilios coñecidos, esta non se puido practicar.

Os correspondentes expedientes figuran á disposición do interesado para coñecemento íntegro e constancia do mencionado acto nas dependencias da Delegación Provincial de Sanidade e Servicios Sociais de Lugo, sita na rúa Montevideo, nº 9.

Contra o devandito acordo de arquivo e iniciación poderá formular alegacións e achega-las probas que estime pertinentes en defensa dos seus dereitos, no prazo de 15 días, contados desde o día seguinte ó desta publicación.

Ó mesmo tempo advírteselle que, transcorrido o dito prazo, seguirá o expediente o trámite ordinario podendo ser considerado o acordo de iniciación como proposta de resolución, no caso de que non se fagan alegacións (artigo 13.2º do Real Decreto 1398/1993, do 4 de agosto, polo que se aproba o Regulamento do procedemento para o exercicio da potestade sancionadora, BOE do 9 de agosto).

ANEXO

Expedientes: S-19/1997 e S-8/1998.

1.-Interesado: Felicitas Sánchez Poblador.

2.-Domicilio social coñecido: r/ Profesor Otero Pedrayo, nº 38, 6ºA, Lugo.

3.-Domicilio industrial coñecido: Confitería Marysán, Avda. da Coruña, nº 85, Lugo.

4.-Feitos imputados: a pesar das medidas provisionais acordadas con data 28 de agosto de 1997, de suspensión provisional da actividade alimentaria exercida nesta pastelería por razóns de sanidade, hixiene e seguridade e ata que se restablezan as axeitadas condicións sanitarias, neste establecemento procedeuse á elaboración de productos de pastelería sen estar debidamente autorizado, o que supón o incumprimento dun requirimento específico formulado pola autoridade sanitaria, así como a sub

ministración de información inexacta e documentación falsa ós servicios veterinarios oficiais de Saúde Pública.

5.-Preceptos infrinxidos: artigo 35.B) 4ª e 6ª da Lei 14/1986, do 25 de abril, xeral de sanidade; artigos 2.1º.3 e 5.1º do Real decreto 1945/1983, do 22 de xuño, polo que se regulan as infraccións e sancións en materia de defensa do consumidor e da producción agroalimentaria; Art. 1.2º b) do Decreto 157/1985, do 11 de xullo da Xunta de Galicia, polo que se regulan as infraccións e sancións en materia sanitaria.

De acordo co artigo 35.B) 6ª da Lei 14/1986, os devanditos feitos constitúen unha infracción sanitaria que pode ser cualificada como grave, e polo tanto de acordo co artigo 36.1º.b) da dita lei, sancionarse con multa que vai desde cincocentas mil unha pesetas (500.001 ptas.) a dous millóns cincocentas mil pesetas (2.500.000 ptas.).

Lugo, 27 de abril de 1998.

Luis Abades Álvarez

Delegado provincial de Lugo

4977