O punto 16 da Orde do 16 de abril de 1998 (DOG do 28 de abril), pola que se convocaba procedemento para que os funcionarios de carreira do corpo de mestres poidan adquirir novas habilitacións, establece que os tribunais estarán integrados por catro vocais, designados por sorteo, entre funcionarios do corpo e especialidade correspondente.

Resulta necesario facer pública a data e a hora na que terá lugar o sorteo público. A Dirección Xeral de Persoal,

RESOLVE:

Primeiro.-O sorteo para determina-los catro vocais e os seus suplentes correspondentes, que xulgarán o procedemento para que os funcionarios de carreira do corpo de mestres poidan adquirir novas habilitacións, terá lugar entre funcionarios de carreira do corpo e da especialidade correspondente, en situación de servicio activo en centros dependentes desta consellería, con destino definitivo ou provisional na provincia na que se celebra o sorteo, o próximo día 1 de xuño de 1998 ás 9 horas, nos seguintes lugares:

-C.P. Ramón Otero Pedrayo, polígono de Elviña, 1ª fase (zona Monelos) A Coruña.

-Delegación Provincial da Consellería de Educación e Ordenación Universitaria, r/ Ronda da Muralla, nº 70-5ª planta, Lugo.

-Delegación Provincial da Consellería de Educación e Ordenación Universitaria, r/ Concello, nº 13, Ourense.

-Delegación Provincial da Consellería de Educación e Ordenación Universitaria, r/ Montero Ríos, s/n, Pontevedra.

Santiago de Compostela, 25 de maio de 1998.

Jaime García y García

Director xeral de Persoal

4874