Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.

Solicitante: Unión Eléctrica-Fenosa, S.A.

Enderezo social: Avda. de Arteixo, 171, 15007 A Coruña.

Denominación: L.M.T.S., C.T.C. e R.B.T. da Rocha Vella.

Situación: Santiago de Compostela.

Descricións técnicas: L.M.T. subterránea a 20 kV de 0,005 km con orixe na L.M.T.S. subestación en Santiago II-A Rocha e fica na mesma liña unha vez que entra e sae do C.T. proxectado en conductor R.H.V.-12/20 kV-3 (1x240) mm Al. C.T. prefabricado de 160 kVA a 20.000/380-220 voltios na Rocha Vella. R.B.T. aérea de 0,62 km con orixe en C.T. Rocha Vella, en conductor R.Z.

Cumpridos os trámites ordenados nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolveu,

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

A Coruña, 16 de abril de 1998.

Jesús Espada Martínez

Delegado provincial da Coruña

4207