O Comité Asesor da Eritropoietina foi creado pola orde da entón Consellería de Sanidade, do 10 de setembro de 1991 (Diario Oficial de Galicia, número 190, do 2 de outubro), co obxectivo de promove-lo uso racional da eritropoietina.
Desde entón, o comité estableceu e divulgou os criterios para a adecuada utilización da eritropoietina en pacientes con anemia asociada a insuficiencia renal grave, criterios que se poden considerar de xeral aplicación en Galicia.
Tendo en conta, conforme a valoración do Comité Asesor que se cumpriron os fins e funcións previstos no artigo 5 de dita orde, e vista a proposta da Dirección Xeral de Farmacia,
DISPOÑO:
Artigo único
Suprímese o comité asesor para a utilización terapéutica da eritropoietina.
Disposición derradeira
A presente orde entrará en vigor o día seguinte ó da súa publicación no Diario Oficial de Galicia.
Santiago de Compostela, 13 de abril de 1998.
José María Hernández Cochón
Conselleiro de Sanidade e Servicios Sociais
4369