O Pleno da Corporación, en sesión ordinaria celebrada o vintenove de abril de mil novecentos noventa e oito acordou aprobar definitivamente o estudio de detalle formulado mediante iniciativa particular por Jorge Fontenla Coello, en interese das entidades mercantís Deca Promociones, S.L. e Áridos Gallegos, S.L.coa finalidade de reaxustar determinaciones e delimitación do plan parcial do Polígono B-4 de Fonte Santa do Plan xeral de ordenación urbana, sendo redactado este documento polos arquitectos señores Cordeiro Rodríguez, Davila Alonso, Jiménez López e Meijide Rico, e visado pola delegación de Pontevedra do Colexio Oficial de Arquitectos de Galicia con data do 11-12-1997. e requirir ás entidades promotoras do estudio de detalle para que procedan a rechea-la piscina construída sobre unha parcela de propiedade municipal destinada ó uso público xeral, téndose que proceder á execución de tal xeito que a parcela quede completamente axardinada e urbanizada para o fin a que se destina, o
que supervisará o Servicio Municipal de Xestión e Disciplina Urbanística, quedando exento este concello de calquera responsabilidade que puidera derivarse da execución da piscina en tanto non se proceda á rechea-lo seu vaso.
O que se fai público para a súa executividade, subliñándose que contra este acordo poderase interpoñer recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia no prazo de dous meses computados a partir do día seguinte a esta publicación, logo de comunicación ó órgano que dictou o acto impugnado, e isto sen prexuízo de que se poida exercer, se é o caso, calquera outro recurso que coide procedente.
Pontevedra, 6 de maio de 1998
Juan Luís Pedrosa Fernández
Alcalde
Julio Dapena Outomouro
Secretario xeral
4652