O Consello da Xerencia Municipal de Urbanismo, en sesión celebrada o día 13 de marzo de 1998, acordou aprobar inicialmente o estudio de detalle da rúa Pontevedra, 4, conforme a documentación presentada pola sociedade Proyectos Gersa, S.L., e redactado polo arquitecto José Herrero García, e visado polo COAG con data do 22-1-1998, coa excepción de que non se lle outorgará a aprobación definitiva a este estudio de detalle, mentres non se lle conceda a licencia de construcción á parcela contigua no lateral dereito.
Sométese á información pública polo prazo dun mes, mediante inserción de anuncios no Diario Oficial de Galicia; nun xornal dos de maior circulación da provincia e no taboleiro de anuncios da Casa do Concello.
Signifícase que o prazo de exposición ó público se entenderá aberto desde a primeira publicación ata o remate do mes contado desde o derradeiro anuncio. A documentación atópase na oficina de información da Xerencia Municipal de Urbanismo ó dispor do público, planta baixa da Casa do Concello.
O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que, por resultaren descoñecidos ou ignorando o seu enderezo, non poidan ser notificados persoalmente.
Vigo, 3 de abril de 1998.
Manuel Pérez Álvarez
Alcalde
3676