Visto o expediente instruído por instancia de Jacinto Fontao Ageitos, na súa calidade de administrador único da entidade mercantil Fontao Travel, S.L., en solicitude de concesión do oportuno título-licencia da axencia de viaxes do grupo minorista a Fontao Travel, S.L., sita na rúa Manuel Lustres Rivas, 1 de Ribeira (A Coruña).
Resultando que coa referida solicitude se xuntou a documentación que se indica no artigo 4 e concordantes do Regulamento das axencias de viaxes aprobado polo Decreto 155/1989, do 22 de xuño, que regula o exercicio da actividade profesional que compete ás axencias de viaxes, e no que se especifican os documentos que terán que presentarse coa solicitude de outorgamento do título-licencia.
Resultando que, tramitado o oportuno expediente, aparecen cumpridas as formalidades e xustificados os extremos que se sinalan nos artigos 4, 5 e 6 do regulamento.
Considerando que na empresa solicitante concorren tódalas condicións esixidas polo Decreto 155/1989, do 22 de xuño, para a obtención do título-licencia de axencia de viaxes do grupo minorista.
Vistos o Real decreto 2086/1983, do 1 de setembro, de traspaso de funcións e servicios do Estado á Comunidade Autónoma de Galicia en materia de turismo, a Lei 1/1983, do 22 de febreiro, reguladora da Xunta de Galicia e do seu presidente, o Decreto 155/1989, do 22 de xuño, polo que se aproba o regulamento das axencias de viaxles de Galicia, e a Orde do 12 de xaneiro de 1998 da Consellería de Cultura, Comunicación Social e Turismo, pola que se delega no director xeral de Turismo a competencia para autoriza-los novos establecementos e dependencias auxiliares das axenicas de viaxes xa autorizadas, a Dirección Xeral de Turismo,
RESOLVE:
Concédese título-licencia de axencia de viaxes do grupo minorista, co nº XG-170, a Fontao Travel, S.L., con casa central en Ribeira (A Coruña), na rúa Manuel Lustres Rivas, 1, da que é titular a entidade mercantil Fontao Travel, S.L., que poderá exerce-la súa actividade mercantil a partir da data de publicación desta resolución no Diario Oficial de Galicia, con suxeición ó preceptuado do Decreto 155/1989, do 22 de xuño, polo que se aproba o Regulamento das axencias de viaxes de Galicia. A dita axencia quedará inscrita no Rexistro de Empresas e Actividades Turísticas da Comunidade Autónoma galega.
Contra esta resolución, o interesado poderá interpoñer recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ó da súa publicación no Diario Oficial de Galicia.
Santiago de Compostela, 22 de abril de 1998.
P.D. (Orde 12-1-1998)
Aurelio Miras Portugal
Director xeral de Turismo
4542