A Orde do 3 de agosto de 1994 pola que se regula a comercialización de materiais forestais de reproducción en Galicia estableceu a regulación para a Comunidade Autónoma de Galicia do uso de materiais de reproducción de calidade xenética e exterior coñecidas e axeitadas, co fin de incremanta-la capacidade productiva, a sanidade e bondade dos productos das masas forestais e preserva-la variabilidade xenética das especies arbóreas e arbustivas. Co dito fin determinábanse aqueles materiais reproductores que estaban suxeitos á regulamentación establecida na orde, entre os que se encontran os materiais de reproducción de Pinus Pinaster Ait.

Posteriormente, pola Orde do 4 de novembro de 1997 publicouse o catálogo autonómico de materiais de base para os materiais forestais de reproducción relativo á especie Pinus Pinaster Ait que se pretende completar coa presente orde.

Por todo iso, en virtude das competencias que me confire o artigo 34 da Lei 1/1983, do 22 de febreiro, de regulación da Xunta e do seu presidente e o Decreto 482/1997, do 26 de decembro, polo que se establece a estructura orgánica da Consellería de Medio Ambiente e atribúe a esta entre outras, as competencias de ordenación, fomento e mellora da producción, industrialización e comercialización forestal,

DISPOÑO:

Artigo único.-O catálogo autonómico de materiais de base para os materiais de reproducción da especie Pinus Pinaster Ait aprobado por Orde do 4 de novembro de 1997, da Consellería de Agricultura, Gandería e Montes, amplíase cos rodais establecidos no anexo da presente disposición.

Disposición derradeira

A presente orde entrará en vigor o día seguinte ó da súa publicación no Diario Oficial de Galicia.

Santiago de Compostela, 7 de abril de 1998.

José Carlos del Álamo Jiménez

Conselleiro de Medio Ambiente

ANEXO

Catálogo dos materiais de base de Pinus Pinaster Ait.

Nota:

S: material forestal de reproducción seleccionado.

RS: rodal selecto.

A: autóctono.

4157