A Comisión de Goberno, na súa sesión do 13 de abril de 1998, aprobou inicialmente o Plan Especial para o Desenvolvemento do Sistema Xeral C-1 (cemiterio de Boisaca), redactado polos servicios técnicos municipais.

O expediente exponse ó público no Negociado de Planeamento e Xestión polo prazo dun mes, contado desde a publicación deste anuncio no Diario Oficial de Galicia, co obxecto de que os interesados poidan presenta-las alegacións que xulguen oportunas.

De acordo co previsto no artigo 34.3º da Lei do solo de Galicia (LSG), manterase a suspensión do procedemento de outorgamento de licencias para a construcción de panteóns nas rúas C e D do vello cemiterio, acordada pola Comisión de Goberno 26 de xaneiro de 1998.

Contra o acordo da suspensión do procedemento de outorgamento de licencias poderase interpor recurso contencioso-administrativo perante o Tribunal Superior de Xustiza de Galicia, no prazo de dous meses.

De conformidade co previsto nos artigos 42.6º da LSG e 199 do Regulamento de xestión urbanística, o expediente contén a delimitación das unidades de actuación previstas e a relación de bens e dereitos

afectados polo sistema de expropiación que se seguido se transcribe:

Relación de parcelas e propietarios afectados polo sistema de expropiación

* Numeración da parcela segundo o plan.

** Numeración da parcela segundo plano de concentración parcelaria da zona de San Miguel dos Agros.

Este anuncio servirá de edicto de notificación, de acordo co previsto nos artigos 42.6º da LSG e 59.4º da lei 30/1992, de réxime xurídico das adminis

tracións públicas e do procedemento administrativo común, a tódolos propietarios que, por seren descoñecidos ou ignorarse o seu paradoiro, non poidan ser citados persoalmente para o trámite de información pública.

Santiago de Compostela, 5 de maio de 1998.

O alcalde

Rubricado

4346