Visto o expediente incoado a Explotaciones Marinas, S.A. con CIF A-15.231.459, na súa condición de titular dunha granxa mariña sita no lugar Agro da Punta, Abelleira, Muros (A Coruña), outorgada por Orde do 23-1-1992 (DOG nº 36).
Resultando que con data do 11-9-1996 a Delegación Territorial da Coruña acordou a incoación
do expediente de caducidade da citada concesión polas causas incluídas nos artigos 56.3º e 72 a) da Lei 6/1993, do 11 de maio, de pesca de Galicia.
Resultando que o citado acordo de incoación do expediente de caducidade lle foi remitiddo ó interesado con data do 18-9-1996 e devolta a notificación polo servicio de correos.
Resultando que con data do 16-10-1996 foi publicada no DOG e a incoación do expediente de caducidade e o nomeamento de instructor e secretario, e con data do 25-9-1996 exposta no taboleiro de anuncios do Concello da Coruña, sen que se formulasen alegacións dentro do prazo establecido.
Resultando que con data do 31-3-1997 foi publicada no DOG a proposta de resolución referente a este expediente de caducidade, e con data do 4-4-1997 exposta no taboleiro de anuncios do Concello da Coruña sen que se formulasen alegacións dentro do prazo establecido.
Considerando que o expediente foi tramitado conforme o dereito.
Vistas a Lei 6/1993, do 11 de maio, de pesca de Galicia; Lei 22/1988, do 29 de xullo, de costas; Lei 30/1992, do 26 de novembro, de réxime xurídico das administracións públicas e do procedemento administrativo común; Real decreto 1471/1989, do 1 de decembro, polo que se aproba o Regulamento xeral para o desenvolvemento da Lei de costas, e demais disposicións aplicables ó caso.
Esta consellería, á vista da proposta de resolución emitida polo instructor do expediente, no exercicio das súas atribucións e competencias, resolve:
Caduca-la autorización administrativa e a concesión que a continuación se relaciona, outorgada a Explotaciones Marinas, S.A. con CIF A-15.231.459:
Tipo de establecemento: granxa mariña.
Especies autorizadas: rodaballo.
Localización: lugar Agro da Punta, Abelleira, Muros (A Coruña).
Superficie: 60 m en dominio público e 858,84 m en dominio privado.
Data da concesión: 22-6-1984 (DOG nº 152).
Cambio de dominio e de actividade: 23-1-1992 (DOG nº 36).
Vixencia: 9-7-1994.
A presente resolución esgota a vía administrativa, e contra ela os interesados poderán interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, na forma e prazos previstos no artigo 57 e seguintes da Lei reguladora da xurisdicción contencioso-administrativa do 27 de decembro de 1956.
Santiago de Compostela, 20 de abril de 1998.
Amancio Landín Jaráiz
Conselleiro de Pesca, Marisqueo e Acuicultura
4195