O Concello de Cariño, en sesión plenaria ordinaria celebrada o pasado catro de abril deste ano, acordou aprobar inicialmente os estudios de fixación de alturas medias redactados polo técnico municipal J. Fernando Fraguela Docanto, relativos ás rúas: Regueiro Seco; Eduardo Pondal e Avda. Constitución (tramo entre Balbís e r/ Dr. Soneira), de conformidade co disposto no artigo 60 da Lei 1/1997, do 24 de marzo, do solo de Galicia.

Sométense a información pública, polo prazo dun mes, mediante inserción de anuncio no DOG, nun dos xornais de máxima difusión da provincia e no taboleiro de anuncios da Casa do Concello.

O prazo de exposición ó público entenderase aberto desde a publicación do presente anuncio no DOG. A documentación atópase á disposición do público nos servicios técnicos da Casa do Concello.

O presente anuncio servirá de notificación nos termos do artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, para tódolos propietarios e interesados directamente afectados que, por resultaren descoñecidos ou por ignora-lo seu enderezo, non poidan ser notificados individualmente.

Cariño, 14 de abril de 1998.

Fernando Tallón Cabana

Alcalde

3548