Para os efectos previstos nos artigos 52 e 53 da Lei 40/1994, do 30 de decembro, de ordenación do sistema eléctrico nacional (en vigor na data do 28 de outubro de 1997, na que se solicitou a incoación deste expediente), sométese a información pública a petición de Gamesa Promoción Eólica, S.A. (Gamesa P.E.), con enderezo na rúa Portal de Gamarra, 40, 01013 Vitoria/Gasteiz (Álava), e para efectos de notificacións, Avda. do Cruceiro da Coruña, 201-A, 15705 Santiago de Compostela, como entidades beneficiaria, para a autorización administrativa, a declaración de utilidade pública, que levará implícita a urxente ocupación, para os efectos de expropiación forzosa e imposición de servidumes

de paso, conforme dispón o título IX da Lei 54/1997, do 27 de novembro, do sector eléctrico, (BOE do 28-11-1997), en vigor na data desta información pública, e decretos 2617/1966 e 2619/1966, ámbolos dous do 20 de outubro, sobre instalacións eléctricas (BOE do 24-10-1966), de aplicación transitoria; e a aprobación do proxecto de execución das instalacións da liña eléctrica aérea a 132 kV, de 3.465 m de lonxitude, con orixe na subestación de Mourela, constituída por un circuíto de tres conductores tipo LA-180 sobre torres metálicas de celosía, e final na conexión no apoio nº 9 da liña da subestación de Tesouro a subestación de Bustelo, propiedade de Made Energías Renovables, S.A., no termo municipal das Pontes de García Rodríguez (expediente 240/1997).

Finalidade: transporte de enerxía eléctrica á subestación de Mourela, propiedade de Unión Eléctrica-Fenosa, S.A., desde o parque eólico de Muras I (Gamesa Promoción Eólica).

En consecuencia, calquera persoa e os interesados que figuran na relación anexa, ós que se lles practica notificación individual, por xestión directa ante a entidade beneficiaria poderán rectifica-la titularidade dos predios, se este é o caso, e recadar datos para a identificación dos bens que se afecten, así como examina-lo proxecto nesta delegación, sección 3ª enerxía, 2º andar, edificio administrativo Monelos, praza de Luis Seoane, s/n, 15071 A Coruña, podendo formular, por escrito, alegacións en razón do disposto na Lei 54/1997 e nos decretos citados, dentro dos trinta días seguintes á presente publicación.

Esta publicación realízase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación; e así dirixir ó Ministerio Fiscal as dilixencias que se produzan destes, de conformidade co artigo 5 da Lei de expropiación forzosa, do 16 de decembro de 1954.

A Coruña, 21 de abril de 1998.

Jesús Espada Martínez

Delegado provincial da Coruña

Relación de propietarios, bens e dereitos afectados

Expediente: 97/240-1Provincia: A Coruña

Termo municipal: concello das Pontes de García Rodríguez

SoloVoo

NºLugarCultivoNome e apelidosEnderezonº apoiommlm

3397