En cumprimento do disposto no artigo 2, punto 4, do Decreto 327/91, do 4 de outubro, de avaliación dos efectos ambientais para Galicia (Diario Oficial de Galicia nº 199, do 15 de outubro), e durante o prazo de vinte días o órgano ambiental someterá o estudio de efectos ambientais ó trámite de infor
mación pública, mediante anuncio no Diario Oficial de Galicia. Na súa virtude,
RESOLVO:
1. Someter a información pública o estudio de efectos ambientais do proxecto de construcción e xestión do servicio de tratamento e eliminación dos residuos sólidos urbanos, situado no lugar de Poltros-Nostián, no Concello da Coruña, provincia da Coruña.
2. Para os devanditos efectos informativos, poranse á disposición dos administrados, exemplares nas seguintes dependencias:
* Dirección Xeral de Calidade e Avaliación Ambiental.
* Delegación Provincial da Consellería de Medio Ambiente da provincia da Coruña.
* Concello da Coruña.
3. As alegacións formularanse durante o prazo de vinte días, contando a partir do seguinte día á publicación da presente resolución no Diario Oficial de Galicia.
Santiago de Compostela, 20 de abril de 1998.
Francisco Pan-Montojo González
Director xeral de Calidade e Avaliación Ambiental
3749