Para os efectos previstos no Decreto 2617/1966, do 20 de outubro, sométese a información pública a solicitude da empresa Escuris, S.A., co enderezo social na Baiúca, s/n A Pobra, para a autorización administrativa da instalación que segue:
Unha planta de coxeración grupo d composta basicamente, polos seguintes elementos:
Tres grupos motor-xerador de 4.000 kVA cada un alimentados a gasóleo e tensión de xeración a 6 kV.
Centro de transformación de 15.000 kVA e relación de transformación 6/20 kV.
Instalacións de baixa tensión, regulación, control e interconexión coa liña eléctrica da compañía distribuidora.
A planta de coxeración vai instalarse no interior da fábrica de conservas citada.
Todas aquelas persoas ou entidades que se consideren afectadas poderán presenta-las súas reclamacións ou oposición, no prazo de trinta días, nesta delegación provincial, edificio administrativo de Monelos, 15701 A Coruña.
A Coruña, 27 de xaneiro de 1998.
Jesús Espada Martínez
Delegado provincial da Coruña
3714